Epistola de Incarnatione Verbi
- Language:
- Latin
- Status:
- Complete work
- Authorship:
- Written by the author
- Condition of the text:
- Clean text
- Extent:
- ~4,840 words · 23 passages
Cite this work
- APAAnselm of Canterbury. (n.d.). Epistola de Incarnatione Verbi. SigPhi. https://sigphiai.com/en/works/anselm-of-canterbury/epistola-de-incarnatione-verbi
- MLAAnselm of Canterbury. "Epistola de Incarnatione Verbi." SigPhi, https://sigphiai.com/en/works/anselm-of-canterbury/epistola-de-incarnatione-verbi.
- ChicagoAnselm of Canterbury. Epistola de Incarnatione Verbi. SigPhi. https://sigphiai.com/en/works/anselm-of-canterbury/epistola-de-incarnatione-verbi.
What it is about
A letter against Roscelin, who held that the three divine persons are three separate things.
Context and history
It matters as much for the polemic as for the theology: it is one of the few sources we have for Roscelin's nominalism, whose own work is almost entirely lost. What we know of him we know largely from those who attacked him.
Editorial context, not a citable source: unlike the passages of the work itself, these statements cannot be checked against the corpus.
/281/ Dominis et patribus et fratribus omnibus catholicae et apostolicae fidei cultoribus, qui hanc legere dignabuntur epistolam: frater Anselmus quamuis indignus diuina tamen dispositione dictus abbes Beccensis, salutem in domino. Si ego contemptibilis homuncio, tot sanctis et sapientibus ubique existentibus, ad confirmandum fidei Christianae firmamentum, quasi mea indigeat defensione, aliquid scribere tentauero: praesumptor utique indicari et ridendus uideri potero. Si enim me uiderent alii homines onustum paxillis et funibus et aliis rebus, quibus nutantia ligari et stabiliri solent, elaborare circa montem Olympum, ad confirmandum ilium ne alicuius impulsu nutaret aut subuerteretur: mirum si se a risu et derisu contineant. Quanto magis cum "lapis", qui "abscisus" "de monte sine manibus percussit et comminuit statuam" quam uidit in somnio Nabuchodonosor, iam "factus mons magnus impleuerit uniuersam terram", si eum meis rationibus fulcire et quasi nutantem stabilire nitar: indignari mihi possum tot sancti et sapientes, qui super eius aeternam firmitatem se stabilitos esse gaudent, et hoc imputare non studiosae grauitati sed iactantiae leuitati? Si quid ergo de firmitate fidei nostrae in hac epistola disputauero, /282/ non ad illam confirmandum sed ad me defendendum, qui eam legere dignabitur accipiat. Quanto namque magis cognoscet aliquis quid de eius ueritate intelligam, tanto minus credet quod aliquid contra illam definiam. Significatum enim mihi nuper est per epistolam, talem a quodam clerico in Francia suscitari quaestionem: "Si, inquit, tres personae sunt una tantum res, et non sunt tres res unequaeque per se, sicut tres angeli aut tres animae, ita tamen ut uoluntate et potentia omnino sint idem: ergo pater et spiritus sanctus cum filio est incarnatus." Cui suae sententiae dicit uenerabilis memoriae domnum Lanfrancum Cantuariensem archiepiscopum concessisse, et me si mecum disputauerit concedere. Dictum quoque
What is Epistola de Incarnatione Verbi about?Summarize Epistola de Incarnatione Verbi brieflyWhat are the key ideas in Epistola de Incarnatione Verbi?
← Back to Anselm of Canterbury