Pro A. Licinio Archia poeta
- Language:
- Latin
- Status:
- Complete work
- Authorship:
- Written by the author
- Condition of the text:
- No scanning noise detected (automatic measure over the whole text, not checked by hand)
- Extent:
- ~4,000 words · 19 passages
Cite this work
- APACicero. (n.d.). Pro A. Licinio Archia poeta. Digital reproduction: SigPhi. https://sigphiai.com/en/works/cicero/pro-a-licinio-archia-poeta
- MLACicero. Pro A. Licinio Archia poeta. Digital reproduction, SigPhi, https://sigphiai.com/en/works/cicero/pro-a-licinio-archia-poeta.
- ChicagoCicero. Pro A. Licinio Archia poeta. Digital reproduction, SigPhi. https://sigphiai.com/en/works/cicero/pro-a-licinio-archia-poeta.
Reference to the edition that SigPhi reproduces: SigPhi is its digital reproduction, not its publisher. The edition's year is not in the metadata (hence "n.d."), and the translator appears only when recorded.
What it is about
A defence of a Greek poet's citizenship. The legal case is thin and Cicero knows it, so he spends the speech defending what literature is for.
Context and history
62 BC. The digression on the value of letters — that study nourishes youth, delights old age and stands by us in adversity — is the text Petrarch rediscovered in 1333 and that lit the humanist fuse. A minor speech in law that became one of the founding texts of European culture.
Editorial context, not a citable source: unlike the passages of the work itself, these statements cannot be checked against the corpus.
Sit igitur, iudices, sanctum apud vos, humanissimos homines, hoc poetae nomen, quod nulla umquam barbaria violavit. Saxa et solitudines voci repondent, bestiae saepe immanes cantu flectuntur atque consistunt: nos, instituti rebus optimis, non poetarum voce moveamur? Homerum Colophonii civem esse dicunt suum, Chii suum vindicant, Salaminii repetunt, Smyrnaei vero suum esse confirmant, itaque etiam delubrum eius in oppido dedicaverunt: permulti alii praeterea pugnant inter se atque contendunt. Ergo illi alienum, quia poeta fuit, post mortem etiam expetunt: nos hunc vivum, qui et voluntate et legibus noster est, repudiabimus? praesertim cum omne olim studium atque omne ingenium contulerit Archias ad populi Romani gloriam laudemque celebrandam? Nam et Cimbricas res adulescens attigit, et ipsi illi C. Mario, qui durior ad haec studia videbatur, iucundus fuit. Neque enim quisquam est tam aversus a Musis, qui non mandari versibus aeternum suorum laborum facile praeconium patiatur. Themistoclem illum, summum Athenis virum, dixisse aiunt, cum ex eo quaereretur, quod acroama aut cuius vocem libentissime audiret: "Eius, a quo sua virtus optime praedicaretur." Itaque ille Marius item eximie L. Plotium dilexit, cuius ingenio putabat ea quae gesserat posse celebrari. Mithridaticum vero bellum, magnum atque difficile et in multa varietate terra marique versatum, totum ab hoc expressum est: qui libri non modo L. Lucullum, fortissimum et clarissimum virum, verum etiam populi Romani nomen inlustrant. Populus enim Romanus aperuit Lucullo imperante Pontum, et regiis quondam opibus et ipsa natura et regione vallatum: populi Romani exercitus, eodem duce, non maxima manu innumerabilis Armeniorum copias fudit: populi Romani laus est urbem amicissimam Cyzicenorum eiusdem consilio ex omni impetu regio atque totius belli ore ac faucibus ereptam esse atque servatam: nostra semper feretur et praedicabitur L.…